Pepeling Mayit...

Bismillahir Rahmanir Rahiem

Allahumma solli ‘ala Muhamadin wa ‘ala ali Muhammad.

He ki mayit maneh naon babawaan
amal hade deuheuskeuneun ka pangeran?

Mayit reuwas ngajawabna bari ceurik
Aduh gusti abdi hilap teu ibadah

Kapan eta keretasna boeh maneh
Kapan eta kalamna mah curuk maneh

Kapan eta mangsina mah ciduh maneh
Suubna mah asiwung bawa ti dunya

Dawuh nabi mun mayit keur disiraman
Nyawana teh ngagero kanu nyiraman

Sing aralon maneh ngucurkeun cai
Ulah gugup jeung ulah tararik teuing

Sabab awak kami teh asa pasiksak
Tulang-tulang asa bonyok lalesotan

Urut nyabut malaikat nyawa kami
Jaga oge ku aranjeun karasa

Di dunya aranjeun ulah kajongjonan
Hirup nutur-nutur hawa nafsu syetan

Kamana bae nafsu jadi kahayang
Ahirna mah badan anu ketempuhan

Kituna teh sabab hate kakurungan
Kosong tina dasar-dasar kaimanan

Gampang nurut kana pangajakna syetan
Sabab hate teu kaancikan iman

Ayeuna ku kami karasana
Sabab hirup salah ngagunakeunana

Teu ngajalankeun parentahan pangeran
Nyingkahan naon-naon nu dilarangna.

Ragam Juni 08, 2017